ମା ସରସ୍ବତୀ - ସୌମେନ୍ଦ୍ର ମହାନ୍ତି

ତୁହି ମା ନାମିତ ଅକ୍ଷରା ନାମରେ
      ତୁହି ମା ଅକ୍ଷରଦାତ୍ରୀ
ତୁହି ମା ଶାରଦା ତୁହି ମା ଜ୍ଞାନଦା
      ବୁଦ୍ଧି, ବିଦ୍ୟା ଅଧିଷ୍ଠାତ୍ରୀ    ||
ତୋର ଆଶୀର୍ବାଦ, ତୋ କୃପା ରହିଲେ
      ଅଜ୍ଞାନୀ ହୁଏ ପଣ୍ଡିତ
ଜଗତ ତାହାର ଯଶ କୀର୍ତ୍ତି ଗାଏ
      ସେ ପୁଣି ହୁଏ ବିଖ୍ୟାତ   ||
ତୁହି ଶ୍ୱେତପଦ୍ମା ତୁହି ମହଶ୍ୱେତା
      ତୁହି ପୁଣି କାଦମ୍ବରୀ
ଅନ୍ଧ ଲେଖେ ବାକ୍ୟ ମୁକ ଗାଏ କାବ୍ୟ
      ତୋର କୃପା ଥିଲେ ଭରି   ||
ମାଆ ସରସ୍ବତୀ କରୁଛି ବିନତି
     ଶୁଣିବୁ ମୋର ଗୁହାରୀ
ତୋର ଆଶୀର୍ବାଦେ ମୋତେ ତୁ ପୋତିଦେ
     ମାଆ ମୋର ବର୍ଣ୍ଣେଶ୍ବରୀ   ||
ତୁହି ମା ହଂସିନୀ ତୁହି ମା ମାଳିନୀ
       ତୁହି ପୁଣି ଲୋ ବ୍ରହ୍ମାଣୀ
ତୋର ଛତ୍ରଛାୟା ତଳେ ଥିଲେ ମାଆ
        ଜଗତକୁ ଯିବି ଜିଣି  ||
                 

ମୋ: 9583205804