ମୁଁ ନାରୀ - ସୁଷମା ତ୍ରିପାଠୀ

ମାତାର ଗର୍ଭରୁ ଯାତନା ଲଭିଣ

ଜନ୍ମ ନେଉ ନେଉ ମରେ,

ପିଲାଟି ବେଳରୁ ପିତାମାତା ପାଶେ

ମୁହିଁ ଚଳେ ଆକଟରେ ।

କିଶୋରୀ ବୟସେ ଭାଇ ଆକଟିଲା

ଯୌବନରେ ସ୍ବାମୀ ଡର,

ବୃଦ୍ଧା ବୟସରେ ପିଲାଏ ଛାଡିଲେ

ରହିଲି ବୃଦ୍ଧାଶ୍ରମର ।

ଏଇତ ଜୀବନ ସମାଜରେ ନାରୀ

ସ୍ବାଧୀନତା ମିଳେ ନାହିଁ,

ସବୁଠି ବିପଦ ଭରସା ମିଳେନି

ଅନ୍ତରେ କାନ୍ଦଇ ସେହି ।

ମା'ର ମମତା ଭଉଣୀର ସ୍ନେହ

ଭାର୍ଯ୍ୟାର ଅପାର ପ୍ରେମ,

କନ୍ୟାର ଭକତି ମିଳବନି ଦିନେ

ମତି ହୋଇଯିବ ଭ୍ରମ ।

ନାରୀ ନିଷ୍ପେସିତ ନାରୀ ନିର୍ଯାତିତ

ନାରୀ ର ମର୍ଯ୍ୟାଦା ନାହିଁ,

ସଂସ୍କାର ସଂସ୍କୃତି ଲୋପ ପାଇଲାଣି

ଆଧୁନିକେ ଦ୍ବାହି ଦେଇ ।

ଖାଣ୍ଟି ଓଡିଆ ହୋଟେଲ ସାମ୍ନା

ଟାଟା ବେଞ୍ଜ ପରିସର

ବ୍ରହ୍ମପୁର, ଗଞ୍ଜାମ-୭୬୦୦୦୧