ଫୁଟୁ ନାରୀ ମୁଖେ ହସ - ଧୀରେନ୍ଦ୍ର ମଲ୍ଲିକ

ପ୍ରଭୁ ଜଗନ୍ନାଥ ଜଗତର ନାଥ

ଦୟାମହ ଦଇତାରୀ,

ନୀଳାଚଳବାସୀ କମଳା ବଲ୍ଲଭ

ଜଗତ ପାଳନକାରୀ ।

ଆସିଛି ତୋ ପାଖେ ଗୁହାରୀ କରିବି

ଜଗତ କଲ୍ୟାଣ ପାଇଁ,

ଶୁଣିବୁ ଥରେ ମୋ ହୃଦୟର ଡାକ

ନିରାଶ ନ କରି ସାଇଁ ।

ଧର୍ଷଣ ଦୁର୍ନୀତି ପାପ କୁଟନୀତି

ସଂସାରରୁ ହେଉ ନାଶ,

ନାରୀ ନିର୍ଯ୍ୟାତନା ଦୂର ହୋଇଯାଉ

ଫୁଟୁ ନାରୀମୁଖେ ହସ ।

ସେଇନାରୀ ପୁଣି ଅଟଇ ଭଉଣୀ

ଜାୟା କନ୍ୟା ଆଉ ମାଆ,

କଲ୍ୟାଣମୟୀ ସେ ଯୋଗମାୟାସାଜି.

ବିପଦେ ହୁଅଇ ସାହା ।

ନାରୀର ସୁରକ୍ଷା ଆମର କର୍ତ୍ତବ୍ୟ

ପୁରୁଷ ପରମ ଧର୍ମ,

ସେମାନେ ସୁରକ୍ଷା ରହିଲେ ସଂସାରେ

ଅରଜିଯିବା କୋଟି ପୁଣ୍ୟ ।।

    

     

ନିଳକଣ୍ଠପୁର,ମଙ୍ଗଳପୁର, ଯାଜପୁର

ଫୋନ-7904392686