ନାରୀ - କବିସୌରଭ କୈଳାଶଚନ୍ଦ୍ର ବେହେରା

ମହାମାୟୀ ମହାଶକ୍ତି ,

ମହିମାମଣ୍ଡିତା ମା ଦୁର୍ଗାସମ,

ମହିୟସୀ ନାରୀ ।

ଅନେକ ରୂପ ତା'ର , 

କିଏ କେବେ ହେବେ ନାହିଁ ସରି ।

କେବେ ସିଏ ସତ୍ୟନିଷ୍ଠ ଧର୍ମପରାୟଣା,

କେତେବେଳେ ସେ ଯୁଦ୍ଧେ ଅବତୀର୍ଣ୍ଣା,

କେତେବେଳେ ଅବା ଝରାଏ ସେ ,

ମମତାର ନିର୍ମଳ ଝରଣା , 

ସିଏ ତ ନାରୀ ।

ସେ ଏକ ପ୍ରେମ ମନ୍ଦାକିନୀ ,

ଲାସ୍ୟମୟୀ ହାସ୍ୟମୟୀ ଆଉ

କରୁଣାମୟୀ  ।

କେବେ ସିଏ ସ୍ନେହେ ଟାଣିନିଏ

ତା' ହୃଦୟର ଗଭୀର ନିଡ଼କୁ ,

ଅଥବା କେବେ ହୃଦୟକୁ

ଖିନ୍ ଭିନ୍ କରି ଠେଲି ଦିଏ ,

ମୁନିଆ କଣ୍ଟା ବାଡ଼ ଉପରକୁ ।

ସେ ରହସ୍ୟମୟୀ ,

କେତେବେଳେ କେଉଁ ଲୀଳାରଚେ

ଜାଣି ହୁଏ ନାହିଁ ।

ସେ ଏକ ଜଟିଳ ବୀଜଗଣିତ ,

ଯେତେ କଷିଲେବି ଛିଣ୍ଡେ ନାହିଁ ।

ତାକୁ ବୁଝିବାକୁ ଚେଷ୍ଟାକଲେ  ,

ସ°ପୂର୍ଣ୍ଣ ବୁଝି ହୁଏ ନାହିଁ ।

ତଥାପି ନାରୀକୁ କରନା ଅବମାନନା,

ସେ ନୁହେଁ ଏକ ରବର ଖେଳନା,

ସେ ଏକ କଳ୍ପନାତୀତ ,

ଏକ ଅସୀମ ଅନନ୍ୟା ।

ବାଲିଗୁଡ଼ା , କନ୍ଧମାଳ