ଜୀବନର ମୂଲ୍ଯ ରଖ - ରଞ୍ଜନ କୁମାର ପଣ୍ଡା

                           

ଜୀବନ ର ମୂଲ୍ଯ         ନାହିଁ ଭିନ୍ନାଭିନ୍ନ 

            ସଭିଏଁ ଅଟନ୍ତି ଏକ  

ବୃଦ୍ଧରୁ ବାଳୁତ        ସଭିଏଁ ସମାନ

            ସଭିଙ୍କର ରଖ ଟେକ ।

ଜାତି ବର୍ଣ୍ଣ ଧର୍ମ          ନୁହେଁ ଭିନ୍ନ ଭାଇ

           ସଭିଏଁ ଆମରି ସଖା ,

ନାରୀ କି ପୁରୁଷ         ନୁହନ୍ତି ଅଲଗା

           ରକତ ସଭିଙ୍କ ଏକା  ।

ସ୍ୱାର୍ଥ ତ୍ୟାଗକର        ଆପଣାର ମଣ

         ସଭିଙ୍କୁ ନିଜର କର

ସବୁରି ସନ୍ତାନ           ଏକ ହି ମାତାର

         ବାଲୁତେ ଆଦର ଭର ।

ସେବା ଯତ୍ନ ଯାହା       ନିଜ ସନ୍ତାନରେ

          ଦେଉଛ ମନ ଲଗାଇ

ପର ସନ୍ତାନରେ          ସେହି ମନୋଭାବ

         ଦିଅ ହେ ଫୁର୍ତ୍ତି ଯୋଗାଇ ।

କର୍ମ ଫଳ ଆମ           ଆଜି ନ ପାଇଲେ

          କାଲିକୁ ପାଇବା ନିଶ୍ଚେ

କପଟ ସ୍ଵଭାଵ             ନ ରଖି ମନରେ

         ଠକାନା କାହାକୁ ମିଛେ ।

ଜଗତ ଠାକୁର         ଆମ ଜଗନ୍ନାଥ

         ସବୁ ଧର୍ମ ପାଇଁ ଶ୍ରେଷ୍ଠ

ବରଷକେ ଥରେ       ଦେଖା ଦେବା ପାଇଁ

          ଛାଡ଼ନ୍ତି ନିଜର ମଠ ।

ସମଗ୍ର ବସୁଧା          ଏକହିଁ କୁଟୁମ୍ବ

          ସଭିଙ୍କୁ ସମାନ ଦେଖ

ଜୀବନୁ ଜଞ୍ଜାଳ       ଦୂର କର ଭାଇ

         ଜୀବନର ମୂଲ୍ୟ ରଖ ।

ରଞ୍ଜନ କୁମାର ପଣ୍ଡା

କୋରାପୁଟ

*ଜୟ ଜଗନ୍ନାଥ...........🙏🏻