ଡେଣା ମାନଙ୍କ ସ୍ୱପ୍ନ - ଦୀନବନ୍ଧୁ ବେଜ

ପ୍ରତିଯୋଗିତା ଉଡାଣର......

ନୂଆକରି ଖଣ୍ଡିଉଡା ଠାରୁ 

ଉଡାରେ ପୋଖତ ଅଭିଜ୍ଞ ମାନେ,

ସଭିଏଁ ତୟାର ମୈଦାନରେ

କାହାର ଉଡିବାକୁ ଇଚ୍ଛାନାହିଁ   !

କେଉଁ ବାପ ନଚାହିଁବ 

ସନ୍ତାନ ଘୋଡା ଚଢିବାକୁ...।

ଏବେ କିନ୍ତୁ ଡେଙ୍ଗୁରା ବାଜୁଛି

ମନା କରାଯାଉଛି ସ୍ବପ୍ନ ଦେଖିବାକୁ, 

ପାଦର ଘୁଙ୍ଗୁର ଶବ୍ଦପରି

ସବୁ ଶବ୍ଦମାନେ ଆଉଟୁପାଉଟୁ,

 ସୁବର୍ଣ୍ଣ ଥାଳିରେ ଅନ୍ନ ପରଷିବାକୁ

ସ୍ଵାର୍ଥ ପାଇଁ  ରାଜକୋଷ ଖୋଲା ।

ତଥାପି ନଉଡ଼ିବାକୁ ତାଗିଦ 

ଭଗ୍ନ କରିବାକୁ ଉନ୍ନତିର ଡେଣା

ଘାତକ ମାନେ ଶସ୍ତ୍ର ଧରିଛନ୍ତି, 

ବାହାନାର ଧାରୁଆ ଅସ୍ତ୍ର ପ୍ରସ୍ତୁତ

ଶୁଷ୍କ ଡାଳେ ଫଲ୍ଲବିତ ଶାଖା

ନତ ମସ୍ତକରେ ଶଙ୍କାଗ୍ରସ୍ଥ ,

କାହିଁକିନା ପ୍ରଜାପତିର ରଙ୍ଗ

ଚୋରି ହେବାର ସଂଭାବନା ଅଛି  ।

ଲୁପ୍ତ ହୋଇପାରେ ସବୁ ଢ଼ଙ୍ଗ 

ସବୁ ନାଁ ନେଇପାରନ୍ତି ବିଶ୍ଵକର୍ମା ,

ସେଥିପାଇଁ ତ ନିୟମାବଳୀ

ନଥିପତ୍ର ଆଇନ କାନୁନ ଏବଂ

ବିତଣ୍ଡା ଯୁକ୍ତିମାନେ ଲାଉ ହୋଇ

ଘୂରି ବୁଲୁଛନ୍ତି ପାପମାନଙ୍କ ପିଠିରେ ।

ମହାବାତ୍ୟା ଏବଂ ମହାମାରୀ

ଚାହିଁବି ପଛକୁ ଫେରାଇ ପାରିନାହିଁ,

ଛାର ପାମରମାନେ ଏବେ 

ଲିଭାଇ ପାରିବେକି ସୂର୍ଯ୍ୟଦୟକୁ ?

ଯାହାକୁ ଗଢିବେ ସାଇଁ...............

ତା'କୁ କେହି ଭାଙ୍ଗି ପାରିବେ ନାହିଁ    ।

 

                    ମାଲାକାନଗିରି

         ଭ୍ରାମ୍ୟଭାଷ:-୭୬୮୩୯୨୦୨୨୧