ମିନତି ଘେନ (୧୩୫) - ରଞ୍ଜନ କୁମାର ପଣ୍ଡା

ସକଳ ଶକ୍ତିର       ଆଧାର ହେ ତୁମେ

        ଜଗତର ରକ୍ଷାକର୍ତ୍ତା

ଉଦୟ ଭାସ୍କର        ଅରୁଣୀମା ବର୍ଣ୍ଣ

        ତୁମେ ହିଁ ଭାଗ୍ୟ ବିଧାତା ।

ରାତ୍ରିର କାଳୀମା         ନଷ୍ଟ କର ବୋଲି

           ଦିବାକର ତୁମ ନାମ

ପ୍ରାଣୀଙ୍କର ହିତ          ସାଧନରେ ମନ

          ଭାବ ଏହା ତୁମ କାମ ।

ଅସ୍ତ ସମୟରେ         ପ୍ରାଣୀ ଭୟଭୀତ

         ଉଦୟରେ ଶକ୍ତି ପାଏ

କର୍ମର କଷଣ         କ୍ଳାନ୍ତ ଶରୀରକୁ

         ରାତ୍ରିରେ ଶୁଆଇ ଦିଏ ।

ଆହେ ସୂର୍ଯ୍ୟଦେଵ       ଦେଖ ଏ ଜଗତ

         ଆଜି କିମ୍ପା ଶୂନ୍ ଶାନ

ପ୍ରାଣୀଙ୍କର ଦୁଃଖ        ଦୁରକର ପ୍ରଭୂ

          ମିନତି ମୋହର ଘେନ ।

ରଞ୍ଜନ କୁମାର ପଣ୍ଡା

କୋରାପୁଟ