ସାବିତ୍ରୀ ବ୍ରତ- କବି ସୌରଭ କୈଳାସ ଚନ୍ଦ୍ର

        

ପବିତ୍ର ସାବିତ୍ରୀ ବ୍ରତ ଆଜିପରା

                ବିବାହିତ ନାରୀଙ୍କର ,

ପ୍ରତିବର୍ଷ ଏହା ପାଳନ କରନ୍ତି

                 ପରମ୍ପରା ସମାଜର ।

ପୁରାଣେ ବର୍ଣ୍ଣିତ ଯମରାଜଠାରୁ

                 ନିଜ ମୃତ ସ୍ବାମୀଙ୍କର ,

ଜୀବନ ଫେରାଇ ଆଣି ପାରିଥିଲେ

                  ସାବିତ୍ରୀ ପାଇଣ ବର ।

ସତୀ ପତିବ୍ରତା ଗୁଣରେ ଯମଙ୍କୁ

                 ସାବିତ୍ରୀ ହରାଇ ଦେଲେ ,

ଶତ ପୁତ୍ରବତୀ ହୋଇଯାଇ ସେତ

                 ଯଶ କୀର୍ତ୍ତି ରଖିଗଲେ ।

ଆଜିକାର ବିବାହିତା ମହିଳାଙ୍କୁ

                 କରୁଛି ମୁଁ ନିବେଦନ ,

ପତିପଦେ ଭକ୍ତି ରଖି ପତିବ୍ରତା

                  ଧର୍ମ କରନ୍ତୁ ପାଳନ ।

ଶଙ୍ଖା ଓ ସିନ୍ଦୁର ପିନ୍ଧିଦେଲେ ଖାଲି

                  ନୁହଇ ସେ ପତିବ୍ରତା ,

ପତି ବାକ୍ୟ ମାନି କର୍ମ କରିଯାଅ

                ଭାଵି ସେ ଭାଗ୍ୟବିଧାତା ।

ପତିପତ୍ନୀ ଦୁହେଁ ନିଜ ନିଜ ଧର୍ମ

                ପାଳନ କରିବେ ଯେବେ ,

ସ୍ବର୍ଗପରି ସେହି ପରିବାର ଗୋଟି 

                ହସି ହସାଇବ ତେବେ ।

ପତିଙ୍କର ଧନସମ୍ପତ୍ତି କଥାରେ

                 ନ ରଖି ନିଜ ଭାବନା ,

ତାଙ୍କପ୍ରତି ନିଜ କର୍ତ୍ତବ୍ୟ କରିଲେ

                  ହୋଇଯିବ ପତ୍ନୀସୁନା ।

ଯେଉଁ ନାରୀ ନିଜ ପତିଙ୍କୁ ନ ମାନି

                  ହତାଦର କରି ଯାଏ ,

ଭଗବାନ ତାକୁ କ୍ଷମା ନ କରନ୍ତି

                   ନିଶ୍ଚେ ନର୍କଗତି ପାଏ ।

ଆଜିର ଦିନକୁ ସ°କଳ୍ପଦିବସ 

                    ଭାବି ନିଜ କର୍ମ କର ,

ପତିଙ୍କର ହାତ ଧରି ଚାଲୁଥିଲେ

                    ହସିବ ସୁନା ସ°ସାର ।

ସମ୍ପାଦକ , ଉତ୍କଳ ସମ୍ମିଳନୀ

କନ୍ଧମାଳ ଜିଲ୍ଲାଶାଖା 

ବାଲିଗୁଡ଼ା