ମିନତି ଘେନ-ରଞ୍ଜନ କୁମାର ପଣ୍ଡା

ଅବୁଝା ଏ ମନ       ଅବୁଝା ଏ ଜ୍ଞାନ

         ଅବୁଝା ଶରୀର ତତ୍ତ୍ୱ

ବୁଝି ଅଛି ଯିଏ        ଅବୁଝା ନ ହୁଏ

        ଜାଣେ ସେ ତାର ମହତ୍ୱ ।

ଆଧ୍ୟାତ୍ମିକ ଜ୍ଞାନ        ଯାହାଠାରେ ପୂର୍ଣ୍ଣ

       ସେ ଅଟେ ସଂସାରେ ଧନ୍ୟ

ଆଧ୍ୟାତ୍ମ ବିହୀନ        ପଶୁଙ୍କ ସମାନ

       ନ ପାଏ ସମାଜେ ମାନ୍ୟ ।

ମାନବିକ ଗୁଣ         କର ହେ ଧାରଣ

        ନ ହେଉ ମରଣ ତାର

ମୃତ୍ୟର ପଥିକ        ହେ ମୋର ସଂସାରୀ

        ସତ୍ୟ ପଥ ଟିକେ ଧର ।

ସଂସାର ସାଗର        ଅତି ହିଁ ଗଭୀର

         ବଳାଅନା ସେଠି ମନ

ବିଭୁ ନାମ ଗାଇ       କର୍ମ ସ୍ଵଛ କର

         ସେ ହିଁ ତୋ ଶ୍ରେଷ୍ଟ ଧନ ।

ଅଜ୍ଞାନ ତିମିର        ଦୂର କର ମୋର

      ଦେଇ ଦିବ୍ୟାଲୋକ ଜ୍ଞାନ

ଏତିକି ଗୁହାରି         ଜଗତ ଠାକୁର

         ମିନତି ମୋହର ଘେନ ।

             ରଞ୍ଜନ କୁମାର ପଣ୍ଡା

                    କୋରାପୁଟ