ମିନତି ଘେନ (୧୧୭) - ରଞ୍ଜନ କୁମାର ପଣ୍ଡା

ଦୟାକର ଦୀନବନ୍ଧୁ, ସୁଖେ ଯାଉ ଆଜ ଦିନ           

    ଗାଇ ଗାଇ ତୁମ ନାମ ଏହି ସଂସାରେ 

ଧନରତ୍ନ ଲୋଡାନାହିଁ, କର୍ମଫଳ ଭୋଗେ ମୁଁହି

       ବଞ୍ଚିଛି ଜୀବନ ଧରି ତୁମ ଦୟାରେ ।

କୃପା ପାରାବାର ସିନ୍ଧୁ କୃପାକର ଦୀନବନ୍ଧୁ

   ତୁମ କର୍ମପଥେ ବିତୁ ଜୀବନ ମୋର

ଅଯୋଗ୍ୟ ନ ହୁଏ ମୁଁହି, ପ୍ରଭୁ ତୁମ ପୂଜା ପାଇଁ

    ଏତିକି ଆଶିଷ ଥାଉ ଏହି ମର୍ତ୍ତରେ ।

ଅକାତ କାତ ଜଳରେ,ସାହା ହୁଅ ତୁମେ ବାରେ

      ଆତ୍ମଜ୍ଞାନେ ଚଳୁଥିବି ଭକତି ମାର୍ଗେ

ମିନତି ମୋହର ଘେନ, କୃପାନିଧି ନାରାୟଣ

    ମନ ମୋର ନ ବଦଳୁ ଆତ୍ମାର ଗର୍ବେ ।

ରଞ୍ଜନ କୁମାର ପଣ୍ଡା