ମିନତି ଘେନ (୧୧୯)- ରଞ୍ଜନ କୁମାର ପଣ୍ଡା

ଭାବର ସାଗରେ        ଭାସୁଅଛି ମୁଁହି

          ତୁମେ ପରା ଭାବଗ୍ରାହୀ

ଭାବନାରେ ମୋର       କଳଙ୍କ ନ ଲାଗୁ

          ତୁମରି ଆଶ୍ରିତ ମୁହିଁ ।

ସଂସାରେ ଅଲୋଡ଼ା         ମୋ ପରି ମଣିଷ

           ସ୍ୱାର୍ଥ ମୋର ପାଶେ ନାହିଁ

ସ୍ବାର୍ଥୀ ମଣିଷର            ବଚନ ସୁନ୍ଦର

          ନିସ୍ୱାର୍ଥ ଭାବରେ ମୁହିଁ ।

ଯାହା ଦଣ୍ଡ ଦେବ       ଦିଅ ମହାବାହୁ

        ଭାବ ମୁଁ ଛାଡ଼ିବି ନାହିଁ

ଭାବ ବିନୋଦିଆ       ତୁମେ ହେ ସାଆନ୍ତ

         ଭାବନାରେ ଥାଅ ରହି  ।

ଭାବନା ମୋହର         ଥାଉ ତୁମଠାରେ

         ଏତିକି ମିନତି ମୋର

ଭାବନା ବିହୁନେ         ଭକ୍ତି ଭାବ ନାହିଁ

         ହୋଇଯିବି ସାତ ପର।

ରଞ୍ଜନ କୁମାର ପଣ୍ଡା