ପ୍ରେମ - ଅମରନାଥ ବାରିକ୍

  କହିବେ ପ୍ରେମର ସଂଜ୍ଞାକୁ ବୁଝାଇ

        କବି  ଶ୍ରୀ  ଅମର୍  ନାଥ

  କାହାକୁ  କହନ୍ତି  ସୁବାସିତ  ପ୍ରେମ

        କେମିତିକା ତା'ର ପଥ ।

ପ୍ରେମ ବୋଲି ଯେଉଁ ଅଢ଼େଇ ଅକ୍ଷର

        ରହିଛି ସଂସାରେ ସାର

କରିଥିଲେ ପ୍ରେମ ରାଧା କୃଷ୍ଣ ପାଦେ

         ଦେଇ ମନ ଚିତ୍ତ ଧିର ।

 ତ୍ରେତୟାରେ ରାମ ଚନ୍ଦ୍ର କରିଥିଲେ

        ସୀତା ସୁନ୍ଦରୀଙ୍କ ସଙ୍ଗେ

   ଅଶୋକ ବନର ବାଟିକା ମଧ୍ୟରେ

        ବସି ବଟ ମୂଳ ଅଙ୍ଗେ ।

     ନାରାୟଣଙ୍କର ପାଦ ଦ୍ବୟ ଧରି

         ଲକ୍ଷ୍ମୀ ଠାକୁରାଣୀ ମାଏ

     ସାଜନ୍ତି ପ୍ରେମିକା ଯୁଗଳ ମୂରତୀ

           ଅନନ୍ତ ଆସନ ମୟେ ।

     କରୁଥିଲା ପ୍ରେମ ଶ୍ରବଣ କୁମାର

           ଭକ୍ତି ଭାବ ପସରାରେ

   ନିଜ କାନ୍ଧେ ବହି ପିତା ମାତା ଭାର

          ଚାଲୁଥାଏ ବହୁ ଦୂରେ ।

  କଳିଯୁଗ ପ୍ରେମ କିଶୋର କିଶୋରୀ

           କରୁଛନ୍ତି କୋଳାହଳେ

    ଦେଖନ୍ତିନି ସ୍ଥାନ କାଳ ପାତ୍ର ସିଏ

          ଲାଗିଯାନ୍ତି ଦୁହେଁ ଗଳେ ।

  ପ୍ରେମ ମାନେ ନୁହଁ ପ୍ରେମିକା ପ୍ରେମିକ

         ହୋଇ ଯେ ପ୍ରେମ କରିବା

    ପିତା ମାତା ଗୁରୁ ସଖା ସହଚର

          ସଭିଙ୍କୁ ଭଲ ପାଇବା ।

      ପୁଣି ସୁବାସିତ ହୋଇ ମହକିବ

             କହିବେ ଦୁନିଆ ଯାକ

    ପ୍ରେମ ବନ୍ଧନରେ ବାନ୍ଧି ଦେଉଥିଲା

             ଅଭୁଲା ପ୍ରେମିକ ଏକ ।

 ଅମରନାଥ ବାରିକ୍

ଯାଜପୁର, ମଙ୍ଗଳପୁର, କୟାଁ

ଓଡ଼ିଶା - ୭୫୫୦୧୧

ମୋ :  ୯୫୪୦୩୦୮୦୯୫ (ନୂଆଦିଲ୍ଲୀ)