ହେ ବୀର ଯବାନ - ଜଗବନ୍ଧୁ ସାହୁ

ହେ ‐ ହେ ବୀର ଯବାନ ତୁମକୁ ସାଲାମ୍

        ଧନ୍ଯ ତୁମ ଦେଶ ଭକ୍ତି

ପରିବାର ପ୍ରେମ     ପାଦରେ ଆଡେଇ

         ବଢାଇଲ ଦେଶ ଶକ୍ତି l 

ବୀ ‐ ବୀର ପୁତ୍ର ଗଣ ମୋ ମାଟି ମାଆର

       ଘେନ ଅଶ୍ରୁ ଶ୍ରଦ୍ଧାଞ୍ଜଳି

ମୋ ମାଟି ମାଆକୁ ଦେଇ ଯେ ସୁରକ୍ଷା

        ଭୂମିରେ ପଡିଲ ଟଳି l

ର ‐ ରବି ସମ ତେଜ  ନେଇ ଆସିଥିଲ

     ମୋ ମାଟି ମାଆର କୋଳେ

ଶତ୍ରୁକୁ ଦମନ        କରିବା ପାଇଁ ଯେ

        ଭୟ କଲ ନାହିଁ ତିଳେ l

ଜ ‐ ଜୀବନକୁ ତୁମ ଲଗାଇଲ ବାଜି

         ଅରଜିଲ କୀର୍ତ୍ତି ଯଶ

ଛାତିକୁ ଫୁଲାଇ        ତୁମ ପାଇଁ ଆଜି

         ଗର୍ବିତ ଆମରି ଦେଶ l

ବା ‐ ବାରୁଦ-ଗୋଳାକୁ    ସାମନା କରୁଛ

         ହାତରେ ବନ୍ଧୁକ ଧରି

ଯୁଦ୍ଧ ଭୂମିକୁ ଯେ       ଯାଉଅଛ ତୁମେ

         ଜୟ ଜୟକାର କରି l

ନ ‐ ନମନ ମୋ ଘେନ ହେ ବୀର ଯବାନ

       ଥାଉ ହୃଦେ ଦେଶ ଭକ୍ତି

ଯାହା ଦେଇଗଲ       ବଳୀଦାନ ତୁମେ

           ଚିର ସ୍ମରଣୀୟ ସ୍ମୃତି l 

ଜଗବନ୍ଧୁ ସାହୁ

ଛଞ୍ଚାଣିଆ ପଲ୍ଲୀ, ଗଞ୍ଜାମ

ଦୂରଭାଷା ‐ 8780042579