ନୀଳ ସାଗରର ଗଭୀରତା - ସୁନୟନା ଓଝା

ରାତିର ଅନ୍ଧାର କିଏ ବା ନାସିଚି  

ମୁଁ ଅନ୍ଧାର କୁ ଭଲ ପାଇଛି 

କାଲିର ସକାଳ କିଏ ବା ଦେଖିଛି 

ଆଜି ପାଇଁ ମୁଁ ବଞ୍ଚୁଛି  ||

ମନ ଅଗଣାରେ ଗଢ଼ିଥିବା ଘର 

ନିଇତି ସେ ଆସି ଭାଙ୍ଗୁଛି 

ଆସି ଚାଲି ଯାଏ କ୍ଷଣିକ ମୋହ ସେ 

ଆଜିବି ମୁଁ ତାକୁ ଝୁରୁଛି ||

ସମୟ ସୁଅର ଶୀତଳ ଛୁଆଁରେ 

ହଜି ହଜି ସିଏ ଯାଉଛି 

ଆଜିର ସକାଳ କାଲିକି ଅତୀତ 

ଅତୀତ କି ଫେରି ଆସୁଛି  ||

ପ୍ରେମର ପରଶେ କୂଳକୁ ଛୁଏଁ ସେ 

ନିତି ଆସି ଫେରି ଯାଉଛି 

ନୀଳ ସାଗରର ଗଭୀରତା କେତେ 

କିଏ ଅବା ତାକୁ ମାପିଛି  ||

ସୁନୟନା ଓଝା 

ଗ୍ରାମ -ତରିମୂଳ 

ଜିଲ୍ଲା -କେନ୍ଦୁଝର