ମିନତି ଘେନ (୧୧୫) - ରଞ୍ଜନ କୁମାର ପଣ୍ଡା

ବିଶ୍ଵ ଦରବାର     ଖାଲି ଖାଲି ଲାଗେ

        ରଖ ରଖ ନାରାୟଣ

ସୃଷ୍ଟିର ମହକ         ପୁଣ୍ୟବନ୍ତ ଲୋକ

        ତୁମେ ତ ତାର କାରଣ ।

ଧର୍ମର ବାରଣ        ମାନିଲେନି କେହି

         କର୍ମର କଷଣ ପାଏ

ଧର୍ମର ନାମରେ        ଅଧର୍ମ ଆଚରି

          ଜଗତକୁ ଦୁଃଖ ଦିଏ ।

ଛଳନା କପଟ          ପ୍ରାଣ କେନ୍ଦ୍ର ଯାର

           ସଂକଟରେ ଛଟପଟ

ବିଭୁଦତ୍ତ ଗୁଣ          କରି ପରିହାର

          ଅଧର୍ମେ ପୁରାଏ ପେଟ ।

ଧର୍ମର ବିନାଶ       କରିଛି ମଣିଷ

         ଅଧର୍ମକୁ ସାଥିକରି

ସାଧୁସନ୍ଥ ଜନେ      କଷଣ ଦେଇଛି

         ଅଧର୍ମ ମାର୍ଗ ଆଦରି ।

ଅଧର୍ମ ଶକତି       ଅଢେ଼ଇ ଦିନର

      ଧର୍ମେ ଥାଏ ଯା'ର ମତି

ଜାଣିଛି ଯେ ଜନ     କରେ ପୁଣ୍ୟ କର୍ମ

      ଧର୍ମ ରଥେ କରେ ଗତି ।

ସମୟ ଆସିଛି        ପ୍ରାଯଶ୍ଚିତ ପାଇଁ

        ବିଭୁପଦେ ଦିଅ ମନ

ଜଗତ କଲ୍ୟାଣ       ପାଇଁ ମୋର ମନ

         ମିନତି ମୋହର ଘେନ ।

ରଞ୍ଜନ କୁମାର ପଣ୍ଡା

କୋରାପୁଟ