ଧନ୍ଯ ତୁମ କାରବାର - ଜଗବନ୍ଧୁ ସାହୁ

ଗରିବଙ୍କ ପାଇଁ   ଦେବତା ସାଜିଛ

      ଆହେ ତୁମେ ସରକାର

ଟଙ୍କାଟିଏ ଦେଇ   ପଚାଶେ ଲୁଟୁଛ

        ଧନ୍ଯ ତୁମ କାରବାର l 

କୋରନା କୋରନା ବୋବାଳି ଛାଡିକି

        ଲଗାଇଛ ଗୋଟେ ନିଳା

ସାବଧାନ ହୁଅ        ସରକାର ତୁମେ

         ନହଲେ ଭାଙ୍ଗିବ କିଳା l 

ଇଲେସନ ପାଇଁ     ରାଲି ଯେ କରୁଛ

        ହଜାରେ ଲୋକକୁ ଧରି

ଗାଆଁ ଗାଆଁ ସାହି   ସାହି ଯେ ବୁଲୁଛ

         ଖାତିରି ଟିକେ ନକରି l 

ଧର୍ମ କାର୍ଯ୍ଯ ସବୁ   ବନ୍ଦ ଯେ  କରୁଛ

         ମଦ କାଉଣ୍ଟର ଖୋଲି

କହୁଛି କୋରନା    ଅଛି କଟକଣା

        ପୋଲିସି ଲାଠିକୁ ଧରି l 

ଡାକ୍ତର ଏଇଠି        ରୋଗ ଚିହ୍ନିଛନ୍ତି

          ଛ'ମିଟର ଦୂରେ ଥାଇ

କାଶ ହୋଇଥିଲେ କୋରନା ହୋଇଛି

       ବୋଲି ଯେ କହନ୍ତି ସେଇ l 

ଜଗବନ୍ଧୁ ସାହୁ

ଛଞ୍ଚାଣିଆ ପଲ୍ଲୀ, ଗଞ୍ଜାମ

ଦୂରଭାଷା ‐ 8780042579