ରୌଦ୍ରତାପର ରାଜକତା - ଜଗବନ୍ଧୁ ସାହୁ

ରୌଦ୍ରତାପର ଏ ରାଜକତାରେ 

         ଜନ ଜୀବନ ହନ୍ତସନ୍ତ

ଶୁଖି ଯାଏ ନଦୀ   ଗାଡିଆ ପୋଖରୀ

         ଜୀବନଟା ଲାଗେ କ୍ଳାନ୍ତ l 

ତାତି ଯାଏ ବାଲି      ବହୁଥାଏ ଝାଞ୍ଜି

          ଝାଳ ବହେ ଗମ ଗମ

ବାଟୋଇଟି ଲୋଡେ ଗଛ ଛାଇ ଟିକେ

        କରିବ ବୋଲି ବିଶ୍ରାମ l

ଗ୍ରୀଷମ ଋତୁର         ଦ୍ବିପହର ସମୟ

        ଲାଗେ ନିଛାଟିଆ ଭାରି

ଅଂଶୁଘାତ ଭୟେ    ପଦାକୁ ନ ଆସି

         ଘରେ ରହିଥାନ୍ତି ଡରି l

ଗ୍ରୀଷ୍ମର ପ୍ରଭାବେ     ବଣ ପୋଡି ହୁଏ

          ପଶୁ ପକ୍ଷୀ ଯାନ୍ତି ମରି

ପ୍ରକୃତି ସୌନ୍ଦର୍ଯ୍ୟ    ହୋଇଥାଏ ନଷ୍ଟ

        ହେଉଥାଏ ଘର ପୋଡି l

ଗ୍ରୀଷ୍ମ ଋତୁ କୋଳେ ଚାନ୍ଦିନୀ ରାତିରେ

       ଆଇ ମା କାହାଣୀ ଶୁଣି

ଶୋଇ ଯାଏ ନାତି ଆଇ ମା କୋଳରେ

      ରାଜା ଝିଅ ଗପ ଶୁଣି l

ମଲ୍ଲୀ ଚମ୍ପା ଫୁଲ      ବଉଳ ବାସରେ

         ମହକଇ ଚଉପାଶ

ପାଚିଲା ଆମ୍ବର        ସ୍ବାଦିଷ୍ଟ ରସରେ

       ମନ ହୋଇ ଯାଏ ବଶ l

ଜଗବନ୍ଧୁ ସାହୁ

ଛଞ୍ଚାଣିଆ ପଲ୍ଲୀ, ଗଞ୍ଜାମ

ଦୂରଭାଷା ‐ 8780042579