ଭାରତମାତାର ବିଜୟଗାଥା - ରତିନାରାୟଣ ରାଉତ

ଏମହୀ ମଣ୍ଡଳେ       ଜମ୍ବୁଦ୍ବୀପ ମଧ୍ୟେ

      ଭାରତ  ଭୂଇଁ ମହାନ

ଯାହାର କୋଳରେ    ମାନବ ରୂପରେ

        ଦେବତା ହୁଏ ଆସୀନ ||1||

ହିମାଳୟ ଠାରୁ        କୁମାରିକା ଯାଏ

        କୋଳ ଲମ୍ବିଛି ମୋ ମା'ର

ସାଗର ଯାହାର        ଚରଣ ଧୋଉଛି

       ଏ ବିଶ୍ୱ ବନ୍ଦଇ ଯାର ||2||

ଯା ମାଟି ପବନ        ବୃକ୍ଷ ତରୁ ଲତା

       ନଦୀ ପର୍ବତ ସାଗର

ସବୁରି ମହିମା        ସଂସ୍କୃତି ଗରିମା

      ସବୁ ଅଟଇ ଅପାର ||3||

କେତେ ପୁଣ୍ୟନଦୀ ଝରଇ କୋଳରେ

       ପବିତ୍ର ଗଙ୍ଗାର ଧାର

କେତେ ତୀର୍ଥ କ୍ଷେତ୍ର କେତେସାଧୁସନ୍ଥ

       ସେପାଇଁ ଏ ଭୂଇଁ ସାର ||4||

ଯାର ଗଙ୍ଗାଜଳ         ତୁଳସୀ ପତର

         ନିର୍ମାଲ୍ୟ ମୁକତି ଦିଏ

ଚାରିଧାମ ଯାର        ଦରଶନ କଲେ

          ପାପ ସବୁ ନାଶ ହୁଏ ||5||

ଜାତି ଧର୍ମ ବର୍ଣ୍ଣ         ବିଭିନ୍ନତା ମଧ୍ୟେ

         ଶାନ୍ତି ମୈତ୍ରୀ ଗୀତ ଗାଏ

ଅହିଂସା ମନ୍ତ୍ରର        ଭାଇଚାରା ଆମ

          ସବୁ ଧରମରେ ଥାଏ ||6||

କେତେଯେ ବିଦେଶୀ  ଆକ୍ରମିଛି ଆସି

           ଆମ ସଂସ୍କୃତି ବଞ୍ଚିଛି

ଭେଦଭାବ ଭୁଲି      ଏକ ସୂତ୍ରେ ବାନ୍ଧି

     ମୋଦେଶ ଆଗେ ଚାଲିଛି ||7||

ଗାନ୍ଧୀ ଗୋପବନ୍ଧୁ     ବକ୍ସି ଜଗବନ୍ଧୁ

        ସର୍ଦ୍ଦାର ପଟେଲ ହସି

ଧରମା ବାଜିଆ    ଲାଲ-ବାଲ-ପାଲ

         ନେତାଜୀ ଭଗତ ମିଶି ||8||

ଦେଶ ଜାତି ପାଇଁ     ଜୀବନ ସମର୍ପି

          ରଖିଥିଲେ ଟେକ ମା'ର

ଏ ପୁଣ୍ୟ ତିଥିରେ      ମହାନ ଆତ୍ମାଙ୍କୁ

           ଦେବା ପ୍ରୀତି ପୁଷ୍ପ ହାର ||9||

ରତିନାରାୟଣ ରାଉତ (ପ୍ର. ଶି.)

ହରିଚନ୍ଦନପୁର, କେନ୍ଦୁଝର, ଓଡିଶା

ମୋ.-9438059197