ଝକେର୍ - ସୁରେନ୍ଦ୍ର ମହାକୁର

ବନ୍ଧ୍, କଁଟା ସିନେ ଟପ୍ ଟପ୍ କରେ ହେଇଥିଲେଁ ଭି ଗହେର୍,

 ପ୍ରେମର୍ ତପ୍'ତି କାଏଁ ଶିତଲ୍ ହେସି ହେଲେଁ ଭି ଝରି ଝକେର୍ ।

ଦର୍'କେ ବର୍'ଷା ମେଟିଯାଏ ଶୋଷ୍ ମାଏଟ୍ ମାଁର୍ ଆଁ ଫାଟ୍ ,

ଝକେର୍ ବରଷା ଭି ନିହଁଟ୍ ପଡେ ମନର୍ ରଁଚେ ଟେ ଫାଟ୍ ।

ଅଛରେ ବର୍'ଷା ଗରମ୍ ଦିହିକେ ଲାଗସି କେତନି ହାଏ,

ଝରି ଝକେର୍ କେନଥେଇଁ ଲିଭାବା ପିରତି ଅଂଗରା ଜୁଏ ।

ଝିର୍ ଝିର୍ ଝରି ପ୍ରେମର୍ ଝକେର୍ ଥିଁ ଉଦା ସର୍ ସର୍ ସଁସାର୍,

ପ୍ରେମର୍ ଝକେର୍ ଥି ଭିଜଲେ ଜିବନ୍ ହେବା କାଏଁନ ସାକାର୍ ।

ସୁରେନ୍ଦ୍ର ମହାକୁର, କୁରୁଆଁ, ବରଗଡ଼