ଟୁକେଲ - ସରୋଜ କୁମାର ଆଚାର୍ଯ୍ୟ

ପିଲା ହଉକି ଟୁକେଲ୍ ହଉଗା

ଜୀବନ୍ ଟା ଆଏତ ଗୁଟେ,

ଟୁକେଲ୍ ହେଲା ଯେ କାଏଁ ଭୁଲ୍ କଲା

ସେଭି ତୋର୍ ରକତ୍ ଗୁଟେ  ।।

ପିଲା ହେଲେଁ କାଏଁ ଅଏଧ୍ କା ହେବା

ଟୁକେଲ୍ ହେଲେଁ କାଣାଁ ଖଙ୍ଗ୍ ବା ,

ପିଲା ଟୁକେଲ୍ ଥିଁ ନେଇଁନ ଫରକ୍ ତ

ମୁନ୍ ଷର୍ ବୁଝ୍ ବାର୍ ଟା ଭୁଲ୍ ଗା ।।

ପୁରାନ୍ ଦେଖ ଟୁକେଲ୍ ମାନ୍ କର୍

କେତେ କେତେ ଲେଖା ରହିଛେ ,

ପ୍ରଧାନ୍ ମନ୍ତ୍ରୀ ଆର୍ ରାଷ୍ଟ୍ରପତିଦେଶର୍

ହେ ଟୁକେଲ୍ ଫେର୍ ତ ହେଇଛେ ।।

ଟୁକେଲ୍ ଦାନ୍ ଆଏ ମହାନ୍ ଦାନ୍

ଟୁକେଲ୍ ନେଇଁ କର ପର୍ ,

ଟୁକେଲ୍ ଦିନେପଛେଁଥିର୍ ଢୁକେଦେବା

ପୁଓ ପଛେଁ କର୍ ବା ପର୍ ।।

ଟୁକେଲ୍ ଆଏ ବଲିଁ ନେଇଁ କର ପର୍

ଟୁକେଲ୍ ଘରର୍ ଆଏ ଟେକ୍ ,

ପାଠ୍ ସାଠ୍ ପଢି ଶିକ୍ଷିତ୍ ହେଇ ହୋ

ଟୁକେଲ୍ ତଗା ରଖ୍ ବା ଟେକ୍ ।।

ସରୋଜ କୁମାର ଆଚାର୍ଯ୳,

ବୁରୋମାଲ,ବିଜେପୁର,ବରଗଡ ।